DIGI ផ្តល់ទំហំទ្វេដងទៀតហើយ 4GB = $12
បានចុះផ្សាយដោយ ៖ SilvAនីន លើ ខែវិច្ឆិកា 10, 2010
- ក្នុង ៖ ព័ត៌មានទូទៅ
- 6 វិចារ
ដោយសារតែមានអតិថិជនកាន់តែច្រើនឡើង ក្រុមហ៊ុនផ្តល់សេវាកម្ម Internet Digi បានផ្តល់នូវកញ្ចប់សេវាកម្ម Home Limited ចាប់ពី $12 ។ ដំបូង Digi ផ្តល់ត្រឹមតែ $12 = 1GB បន្ទាប់មក $12 = 2GB ហើយកាន់ភ្ញាក់ផ្អើល ដែលខ្ញុំបានដឹងដំណឹងនេះតាមរយៈនិមល គឺ $12 = 4GB Double suprise ខ្ញុំណាស់ 
ព្រោះថាជាអ្វីដែលខ្ញុំរំពឹងទុកជាយូរហើយ ។
សង្ឃឹមថា Digi នឹងបន្តផ្តល់ Double + Double Size ទៀត នៅថ្ងៃខាងមុខទៀត ។ ឧទាហរណ៍ $12 = 8GB អីចឹងទៅ ។
ខ្ញុំមានការពេញចិត្តពេញថ្លើមណាស់ជាមួយសេវាកម្ម Digi នេះ ដោយប្រើគ្មានរអាក់រអួលហើយមានតម្លៃសមរម្យសម្រាប់ Home User ព្រមទាំងមានកញ្ចប់សេវាកម្ម ដែលឥតគិតថ្លៃ ជាច្រើន ។
ព័ត៌មានបន្ថែមសូមចូលទៅកាន់ Digi.com.kh ។
គ្រាន់តែអានបានលុយ!
បានចុះផ្សាយដោយ ៖ SilvAនីន លើ ខែតុលា 12, 2010
- ក្នុង ៖ ព័ត៌មានទូទៅ | រឿងរ៉ាវខ្ញុំ
- 11 វិចារ
ព្រឹកម៉ិញបានបើកវេបសាយមួយដោយចៃដន្យ ដែលអាចឲ្យយើងរកលុយដោយគ្រាន់តែចុចអាន អត្ថបទហើយ rate ភ្លាម យើងនឹងទទួលបានលុយភ្លាមក្នុង Balance ហើយនៅពេលដែលបាន $50 យើងអាចបញ្ចូនទៅ Visa card តាម Paypal Account បាន។
គ្រាន់តែមើលហើយចាប់អារម្មណ៍ណាស់ ចង់សាកល៍មើល ចុចលេងៗឥឡូវបាន $1 ហើយ ។ ចាំមើលបាន $50 ចាំបញ្ជូនទៅ Paypal បើសិនជាបានលុយមែន ចាំខ្ញុំប្រាប់អ្នកទាំងអស់គ្នាម្តងទៀត ។
តើមានអ្នកណាធ្លាប់បានលុយពីសេវាកម្មនេះហើយឬនៅ? បើវាជាការពិតជួយប្រាប់ខ្ញុំផង៕
សរុបបទចម្រៀងដែលខ្ញុំបានច្រៀង
បានចុះផ្សាយដោយ ៖ SilvAនីន លើ ខែតុលា 5, 2010
- ក្នុង ៖ ចម្រៀងឡូយ | រឿងរ៉ាវខ្ញុំ
- 3 វិចារ
សរុបបទចម្រៀងដែលខ្ញុំបានតែង និងច្រៀង ឥឡូវចែកគ្នាស្តាប់ កុំឲ្យអផ្សុកពេលភ្ជុំបិណ្ឌ! Silvanin Song Pack(Full)
ទាញយក
ចាំជួបគ្នានៅ Barcamp Phnom Penh 3!
បានចុះផ្សាយដោយ ៖ SilvAនីន លើ ខែកញ្ញា 22, 2010
- ក្នុង ៖ ព័ត៌មានទូទៅ
- បញ្ចេញមតិ
ថ្ងៃដែលទន្ទឹងរង់ចាំជិតមកដល់ហើយ ឆ្នាំនេះខ្ញុំកក់ទុកមុនថ្ងៃសៅ អាទិត្យសប្តាហ៍នេះ អត់ទៅណាទេ ញ៉ាំបាយឲ្យឆ្អែតរង់ចាំពេលវេលាទៅ Barcamp ក្នុងមួយឆ្នាំមានម្តង ក្នុងម្តងមាន ២ ថ្ងៃ កុំភ្លេចចូលរួមណា! ប្រយ័ត្នស្តាយក្រោយ!
ជិតដល់ថ្ងៃអវសានរបស់ផលិតកម្មពូកែចម្លងពីគេ
បានចុះផ្សាយដោយ ៖ SilvAនីន លើ ខែកញ្ញា 14, 2010
- ក្នុង ៖ វាចាខ្ញុំ
- 11 វិចារ
អស់កាលជាង ៤ទសវត្ស ដែលខ្មែរបាត់បង់ធនធានមនុស្សសំខាន់ក្នុងប្រទេស ដែលធ្វើគ្រប់វិស័យមានការធ្លាក់ចុះ វិស័យសិល្បៈជាវិស័យមួយផ្នែកដ៏សំខាន់ វាមិនមែនបម្រើផលប្រយោជន៍សម្រាប់តែការកំសាន្តប៉ុណ្ណោះទេ ប៉ុន្តែវាជាអត្តសញ្ញាណឆ្លុះបញ្ចាំងពីសង្គម ក៏ដូចជាមុខមាត់របស់ប្រទេសជាតិផងដែរ ដែលអាចធ្វើឲ្យប្រទេសដទៃស្គាល់ពីយើង តាមរយៈសិល្បៈ ដូចជាខ្សែភាពយន្ត និងបទចម្រៀងជាដើម។
ចាប់តាំងរបបប៉ុលពតបានបញ្ចប់ទៅ ខ្មែរមិនសូវបានបង្កើតស្មាដៃចម្រៀងអ្វីដែលជាមុខមាត់របស់ខ្លួនទេ ផ្ទុយទៅព្យាយាមបំបាត់អ្វីដែលខ្លួនមានហើយចម្លងតាមគេទាំងស្រុង ដោយគ្មានបានគិតអ្វីច្រើន ក្រៅតែពីវិធីសាស្រ្តធ្វើម៉េចកើបលុយឲ្យបានច្រើន ចង់គេរិះគន់ថាម៉េចថាទៅ ។ គិតតែពីបរិមាណ មិនបានគិតពីគុណភាព។
តាមរយៈអត្ថបទ ក្រុមហ៊ុនផលិតចំរៀងនៅកូរ៉េ ត្រៀមប្តឹងផលិតកម្ម KH ពីបទលួចចម្លងបទចំរៀងនិងស្ទីលរាំ ដែលចុះផ្សាយនៅព័ត៌មានកោះសន្តិភាព ដែលក្រុមហ៊ុន SM របស់កូរ៉េត្រៀមនឹងធ្វើការប្តឹងក្រុមហ៊ុន KH Promotion ស្តីពីការពីបទលួចចម្លងបទចំរៀងនិងស្ទីលរាំ នេះប្រហែលជាការព្រមានជាគំរូដល់ក្រុមហ៊ុនផ្សេងទៀត ដែលកំពុងតែចម្លងស្ទីលពីគេយកមករកស៊ីយ៉ាងចាស់ដៃ យកមកធ្វើអាជីវកម្ម។
និយាយពីការចម្លងគេវាមិនចេះចប់ទេ ក៏ប៉ុន្តែសូមរក្សាសិទ្ធិម្ចាស់ដើម បើយើងមិនបានយកវាមកកែច្នៃនោះ តែក៏មិនគួរយកមកធ្វើអាជីវកម្មដែរ បទកូរ៉េពិតជាពិរោះមែន គួរឲ្យចង់ស្តាប់ សូម្បីតែខ្ញុំក៏បានចម្លងបទកូរ៉េ តែកែប្រែទំនុកច្រៀងយកមកច្រៀងតាមជាភាសាខ្មែរ ដែលបានដាក់ប្រកាស កាលពីប៉ុន្មានខែមុន ថ្វីត្បិតថាបានដាក់ចំណងជើងថាចេញលក់ហើយក៏ដោយ តែគ្រាន់ដើម្បីទាក់ទាញទេណា:-D ខ្ញុំមិនបានយកមកធ្វើអាជីវកម្មទេ ។
ដល់ពេលភ្ញាក់រលឹកហើយខ្មែរ ជិត2011 ហើយល្មមរៀនបង្កើតអ្វីដែលជារបស់ខ្លួនហើយឈប់ចម្លងពីគេទៀត ខ្មាស់ប្រទេសជិតខាងយើងផង ។ បង្កើតបានប៉ុណ្ណា យកប៉ុណ្ណឹងទៅទោះបីជាមិនសូវល្អក៏ដោយ តែក៏វាជាស្នាដៃយើងដែរ។
មតិក្តៅៗ