Aznin's ប្លុក

មាន​សង្សារ​ទើប​បំបាត់ភាពឯកាបាន ​មែនទេ?

Posted on: ខែមករា 28, 2010

តើ​មនុស្ស​យើង​នៅ​លើ​លោក​កើត​មនុស្ស​ដើម្បី​ធ្វើ​អ្វី ក្រៅ​តែ​ពី​ញុំា ញុំា​ហើយ​ដេក ដេក​ហើយ​ញុំា អត់​មាន​អី​ញុំា​ត្រូវ​ទៅ​ធ្វើ​ការ​ដើម្បីរក​លុយ​មក​ទិញអី​ញុំា​មែនទេ? ចុះ​រឿង​ស្នេហា​វិញ​ គិត​យ៉ាង​ម៉េច​ដែរ?

តាម​ពិត​ទៅ​មនុស្ស​កើត​មក​ត្រូវ​តែ​មាន​ស្នេហា​ មិន​អាច​ខ្វះ​បាន​ឡើយ ស្នេហា​មាន​ទាំង​ផល​ល្អ​ និង​ផល​អាក្រក់ បើ​ស្នេហា​ល្អូក​ល្អើន យល់​ចិត្ត​គ្នា នោះគឺ​មាន​ផល​ល្អ​ហើយ តែ​បើ​ស្នេហា​មិន​ចុះ​សម្រុង​ មិន​យល់​ចិត្ត​គ្នា​ នោះ​ហើយ​ជា​ផល​អាក្រក់។

មាន​អ្នក​ខ្លះ​មិនធ្លាប់​មាន​ស្នេហា គិត​តែ​ពីរៀន​សូត្រ រឿង​អនាគត​ទៅ​ថ្ងៃ​មុខ​ ល្អហើយ​ដែល​អាច​គិត​បែប​នេះ​ ព្រោះ​ថា​ពេល​មាន​សង្សារ គេ​ត្រូវ​មាន​លទ្ធ​ភាព និង​ពេល​វេលា​គ្រប់​គ្រាន់​សិន​ ដើម្បី​ធ្វើ​ឲ្យ​ក៏ដោយ​កុំ​ឲ្យ​ប៉ះពាល់​ដល់​លទ្ធផល​សិក្សា​របស់​គេ ។

អ្នក​ខ្លះ​ធ្លាប់​ខូច​ចិត្ត​នឹង​រឿង​ស្នេហា​ ក៏​ក្លាយ​ខ្លួន​ទៅ​ជា​មនុស្ស​ឯកា បាត់​បង់​ជំនឿ​ជាក់​លើ​ខ្លួន​​ឯង ហើយ​ចង់​ឲ្យ​ខ្លួន​ឯង​សប្បាយ​ចិត្ត​ ព្យាយាម​នៅ​ជាមួយ​អ្នក​ផ្សេង ដើរ​លេង​ជាមួយគេ ​ទោះ​បី​ជា​ខ្លួន​មិន​ស្រឡាញ់​គេ​ក៏​ដោយ​ ក៏​ព្យាយាម​លួង​លោម​ខ្លួន​​ឯង ដោយ​ធ្វើ​ជា​ស្រឡាញ់​គេ​ តែ​ទីបំផុត​គឺ​ខ្លួន​គេ​ធ្វើ​បាប​ខ្លួន​ឯង​ទៅ​វិញ​ទេ​ ព្រោះ​តែខ្លួន​យក​អ្នក​ផ្សេង​ដើម្បី​បន្លប់​ភាព​អផ្សុក​តែ​ប៉ុណ្ណោះ រឿង​នេះនៅ​តែ​មិន​អាច​ជួយ​គេ​ឲ្យ​រួច​ផុត​ពី​ភាព​ឯកា​បាន​ឡើយ ។

មាន​សង្សារ​គ្រាន់​តែ​ជាការ​កំដរ​អារម្មណ៍​តែ​ប៉ុណ្ណោះ អ្វី​ដែល​ធ្វើ​ឲ្យ​មនុស្ស​​យើងមាន​អារម្មណ៍​ឯកា​ពិត​ប្រាកដ​នោះ​ គឺ​​ខ្វះ​មនុស្ស​ដែល​ខ្លួន​ស្រឡាញ់ ។ មាន​មនុស្ស​ដែល​ខ្លួន​ស្រឡាញ់​នៅ​ក្បែរ​ទើប​ធ្វើ​ឲ្យ​មាន​ភាព​កក់​ក្តៅ​ក្នុង​បេះ​ដូង។ ទោះ​បី​ជា​មាន​សង្សារ​ 10 នាក់​ ក៏​មិន​ស្មើរនឹង​យើង​មាន​មនុស្ស​ដែល​ខ្លួន​ស្រឡាញ់ពិត​ប្រាកដ​ម្នាក់​នៅ​ក្បែរ​ឡើយ។ បេះដូង​របស់​យើង​នឹង​បញ្ជាក់ថា មនុស្ស​ម្នាក់នោះ​ជាមនុស្ស​យើង​ស្រឡាញ់​ពិត​ប្រាកដ។

ការ​ស្វែង​រក​មនុស្ស​ដែល​ខ្លួន​ស្រឡាញ់​វា​ជា​ការ​លំបាក​ណាស់ នេះ​វា​មាន​ន័យ​ថា​ទាល់​តែ​មាន​និស្ស័យ​ទើប​ជួប​ តែ​បើ​គ្មាន​និស្ស័យ​ទេ​ទោះ​ជា​ខំ​ប្រឹង​ស្វែងរក​អស់មួយ​ជីវិត​ ក៏មិន​ជួប​ដែរ។ មិន​ប្រាកដ​ថា​ មនុស្ស​ដែល​កើត​មក​មាន​រូប​រាង​ស្អាត​ មាន​ទ្រព្យ​សម្បត្តិ មាន​សំណាង​ជាង​យើង ឬជុំវិញ​ខ្លួន​គេសម្បូរ​ទៅ​ដោយ​ក្តីស្រឡាញ់​នោះ​ទេ គឹ​មនុស្ស​យើង​មាន​ភព្វ​ ព្រេង​សំណាង​ខុសៗ​គ្នា ។ ជួន​កាល​អ្នក​ខ្លះ​ក៏​ជួបស្នេហ៍​របស់​គេ​ទាំង​ខ្លួន​មិន​ដែលនឹង​គិត​ចង់​បានផង តែ​ចង់​គេច​ក៏​គេច​មក​រួច​ដែរ​ តែជួន​កាល​អ្នក​ដែល​ចង់​ជួប​បែរ​ជាមិន​ជួប បាន​ត្រឹម​តែ​មាន​និស្ស័យ​ តែ​គ្មាន​វាសនា ។

នៅ​ពេល​ដែល​ជួប​មនុស្ស​ដែល​ខ្លួន​​ ស្រឡាញ់​ហើយ​គឺ​យើង​ពិត​ជា​ចង់​បង្ហាញ​ថា យើង​ស្រឡាញ់​គេ នឹក​តែ​គេ​ម្នាក់ ពេល​នោះ​ហើយ​យើង​នឹង​មិន​ត្រូវការ​អ្នក​ណា​ផ្សេង​នៅ​ក្បែរ​ក្រៅ​គេ​ម្នាក់​នោះ​ដែល​យើង​ស្រឡាញ់​ឡើយ។

ស្នេហា​ពិត​ជា​មាន​ឥទ្ធិពល​ខ្លាំងណាស់ វាអាចកែ​ប្រែ​មនុស្ស​បាន អាក្រក់​ក្លាយ​ជាល្អ ខ្មៅ​ក្លាយទៅ​ជាស តែ​បើ​មនុស្ស​ខ្វះ​ការ​ពិចារណា​ ស្នេហា​ក៏​អាច​ធ្វើ​ឲ្យ​សទៅ​ជា​ខ្មៅ​ក៏ថាបាន រហូត​មក​ស្នេហា​ក៏អាច​សម្លាប់​មនុស្ស​បាន​ដែរ ។​ ដូច្នេះ​ហើយ​មុន​នឹង​មាន​ស្នេហាគួរ​តែ​ចេះ​ពិចារណា​ឲ្យ​បាន​ច្បាស់​លាស់ ។

ភាព​កក់ក្តៅ​ សប្បាយ​រីករាយ មាន​ជំនឿ​ជាក់​លើ​ខ្លួនឯង នឹង​កើត​មាន​ឡើង​នៅ​ពេល​​មាន​ភាព​ស្នេហា​មួយ​ដ៏​ល្អ​ មាន​ន័យ​ថា​ គេ​ទាំង​ពីរ​នាក់​ស្រឡាញ់​គ្នា​ពិត​​ ស្មោះ​ត្រង់ ​ពេលនោះ​ហើយ​ទោះ​បី​ជា​ស្ថិត​ក្នុង​ស្ថានភាព​បែប​ណា​ ក៏ទាំងពីរ​នាក់​សប្បាយ​ចិត្ត ហើយ​គិត​ថា​ពិភព​លោក​នេះស្រស់​ស្អាត​ ហើយ​មាន​ន័យជាទីបំផុត ។

គ្មាន​អ្វី​សប្បាយ​ចិត្ត​ជាង​មាន​សង្សារ​ដ៏​ល្អ​ម្នាក់​នៅ​ក្បែរ​ខ្លួនយើងឡើយ ហើយ​ក៏​គ្មាន​អ្វី​ដែល​ពិបាក​ចិត្ត​ជាង​ពេល​ដែល​គេ​ ទៅ​ចោល​យើង​ឡើយ ។​ អ្នកខ្លះ​គិត​ថា​ គ្មាន​អ្វី​សប្បាយ​ជាង​មាន​លុយ​ច្រើន ពិត​ណាស់​លុយ​អាច​ធ្វើ​អ្វីៗ​បាន​ទាំងអស់ លុយ​អាច​ទិញ​ក្តី​ស្រ​ឡាញ់ ប៉ុន្តែ​លុយ​មិន​អាច​ទិញ​ស្នេហា​បាន​ឡើយ។ ខ្ញុំ​ជឿ​ជាក់​ថា​ លុយ​មិន​អាច​ទិញ​ឧត្តម​គតិ​របស់​មនុស្ស​បាន​ឡើយ ។

សរុប​សេចក្តី​មក​ មាន​សង្សារ មិន​អាច​ធ្វើ​ឲ្យ​មនុស្ស​ចាក​ឆ្ងាយ​ពី​ភាព​ឯកា​បាន​ឡើយ តែ​អ្វី​ដែល​អាច​ជួយ​យើង​បាន​នោះ​គឺ ស្នេហា ។​ ចូរ​ព្យាយាម​ថែរក្សា​មនុស្ស​ដែល​ខ្លួន​ស្រឡាញ់ កុំ​ឲ្យ​កើត​មាន​វិបដិសារី​នៅ​ពេល​យើង​បាត់​បង់​គេ​ ពេល​នោះ​គឺ​វា​ហួស​ពេល​ហើយ ។ ហើយ​អ្នក​ដែល​មិន​ទាន់​មាន​សង្សារ​នោះ​ គួរ​ធ្វើ​ខ្លួន​ឲ្យ​ល្អ​ៗ​ទៅ​​ដើម្បី​ឲ្យ​ឆាប់​មាន​គេ​យល់ ព្រោះ​ថា​ជិត​ដល់​ថ្ងៃបុណ្យ​សង្សារ​ហើយ

បំណងល្អពី SilVaនីន

Advertisements

17 ចំលើយ to "មាន​សង្សារ​ទើប​បំបាត់ភាពឯកាបាន ​មែនទេ?"

ពិត​មែន​ហើយ​ត្រូវ​តែ​មាន​សង្សារ បើ​អ្នក​ណា​​មាន​សង្សារ​ស្អាត​ៗ ហើយ​អត់​ចង់​បាន​សង្សារ​នោះ អាច ផ្ទេរ​មក​ឲ្យ​ខ្ញុំ​ក៏​បាន​ដែរ
សូម​បញ្ជាក់ ខ្ញុំ​យក​តែ​ស្រី​ស្អាត ទេ… ហា​ហា​ហា​

ផ្ទេមើលតែរបស់!

មិន​មែន​របស់ ទេ, តែ​បើ​ផ្ទរ​បាន គួ​តែ​ផ្ទេរ ដែរ​ហ្នឹង​ណា..

អាចឹងត្រូវសួម្ចាស់ខ្លួនគេសិន! ភារម្យក៏នៅទំនេរដែរ! ហេ ហេ

ចឹង​ក៏​បាន​ដែរ.. អ្ហេ ម្ចាស់​ទំព័រ! ហេតុ​អី​ក៏​ខ្ញុំ​មិន​អាច Reply Comment នេះ​តាម​អ៊ីមែល៍ ចឹង?​សូម​​កែ​ឡើង​វិញ​ផង អាច​មើល​ទី​នេះ http://learn4khmer.wordpress.com/2010/01/22/comment-reply-via-email-in-wordpress/

ខ្ញុំ​បាន​បើក​ Comment reply via email យូរ​ណាស់​ហើយ​។ ប្រ​ហែល​ជា​មិន​មែន​មក​បញ្ហា​នេះ​ទេដឹង??

នរណាថា ទាល់តែមានសង្សាបានសប្បាយកើត? តាមពិតការសប្បាយមានច្រើនបែប, ទាស់ត្រង់ថា យើងចេះសប្បាយអត់? មានសង្សាគ្រាន់តែជាមួយផ្នែកនៃជីវិតប៉ុណ្ណោះ! យាយចឹងមិនមែនមានន័យថា សង្សាអត់សំខាន់ទេ តែគ្រាន់តែថា មិនចាំបាច់ទាល់តែមាន បានរស់បាននោះទេ!

ប៉ុន្តែ​ក្នុង​ន័យ​នេះ​ បញ្ជាក់ថា មាន​សង្សារ​មិន​អាច​បំបាត់​ភាព​ឯកាទេ គឺ​ស្នេហា​ទើប​ជា​ចំណុច​មួយ​ក្តៅ​ដែល​ត្រូវ​យក​មក​វិភាគ ហើយ​ក៏​មិន​មែន​មាន​ន័យ​ថា សប្បាយ​ដែរ​ គឺ​សំដៅ​ទៅ​ដល់​សេចក្តី​សុខ​ក្នុង​ចិត្ត ក្នុង​អារម្មណ៍​បើសិន​ជាមនុស្ស​ម្នាក់​មាន​ស្នេហា។ មាន​ន័យថា​ ស្នេហា​ទើប​ជាសុភមង្គល​ពិត​របស់​មនុស្ស ដោយ​គ្មាន​អ្នកណា​អាច​ប្រកែក មិន​ទទួលយកសេចក្តី​​ស្នេហា​អស់​មួយ​ជីវិត​បាន​ឡើយ។

និយាយ​ដល់​រឿង​​ស្នេហា ស្រលាញ់​គ្នា​នោះ​ខ្ញុំ​ក៏​ធ្លាប់​សរសេរ​អត្ថបទ​ស្រដៀង​ហ្នឹង​មួយ​ដែរ​គឺ
ស្រលាញ់ និង​អាណិត សូម​មើល​ខាង​ក្រោម
http://learn4khmer.wordpress.com/2009/05/07/love-pity/

ការមានសង្សារអាចធ្វើឲមនុស្សចេះគិតច្រើន ព្រមទាំងកែខ្លួនទៀតផង។

ត្រឹម​ត្រូវ​ហើយ ដូច​ ខ្មែរ​សាវែនជាដើម! និយាយ​លេង​ទេ! 😀

ិមិនដឹងថាយកសង្សារមកធ្វើអីផង ទាស់ដៃទាស់ជើង! អត់ដូចញុម ល្អជាងឆ្ងាយណាស់ មិនចាំបាច់ខ្វល់ មិនចាំបាច់បារម្ភ ប្រើជីវិតរស់នៅយ៉ាងសប្បាយ 😛

ម្យ៉ាងដែរ,ក្មេងតូច!!!
លុះដល់់ពេលមានស្នេហា..ទើបបានដឹងថាជាយ៉ាងណា!!
ស្នេហាដូចជាគ្រាប់់ព្រួញបាញ់់ចំទ្រូង..ហើយមិនអាចឈរទ្រឹងនៅ
ស្ងៀមបាន..ទីបំផុតដឹងថាត្រូវតែស្រលាញ់់!!!!

ស្នេហា​ចូល​ខ្លួន​កាន់​តែ​ជ្រៅ​ទៅៗ​ហើយ ស្នីន! ទ្រឹស្ដី​ដល់​ក!

ដល់ក​ហើយ​ឥឡូវ​គិត​តែ​រឿង​ស្នេហា

មើលទៅមើលមកជួបតែពាក្យស្នេហា!អូយ!អូយ!4-5ឆ្នាំកន្លងមកហើយគឺនៅតែឈឺ។

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s

គ្រាន់តែអានបានលុយ

ជួយសង្រ្គោះ MySQL

អ្នកណាកំពុងតែមើល

ចំនួនអ្នកចូលរួមទស្សនា

  • 53,878 នាក់

Khmer Unicode

Khmer Unicode is using on this page Please download!!

ការបន្ទាន់សម័យ Twitter

%d bloggers like this: